​Prezident Obama ilə kral Salman Yəməndəki vəziyyəti müzakirə edib

Bakı. 18 aprel. REPORT.AZ/ ABŞ prezidenti Barak Obama Səudiyyə Ərəbistanının kralı Salman bin Əbdüləziz əs-Səudla Yəməndə baş verən son hadisələri telefon danışığında müzakirə edib.

"Report" xəbər verir ki, bu haqda Ağ evin saytı məlumat yayıb.

Prezidentlər Yəmənin ərazi bütövlüyün, ölkədə uzunmüddətli sabitliyin, qarşılıqlı anlaşmanın əldə edilməsi üçün BMT-nin vasitəçiliyi ilə bütün tərəflərin birlikdə siyasi qərar qəbul etməsinin vacibliyini vurğulayıblar.