Portuqaliyada koronavirusa yoluxanların sayı 24 mini ötdü

Portuqaliyada ötən sutkada 163 nəfərdə koronavirus aşkarlanıb.

“Report” xəbər verir ki, bunu ölkənin Səhiyyə Nazirliyi açıqlayıb.

Məlumata görə, Pireney ölkəsində virusdan ölənlərin sayı 25 nəfər artaraq 928-ə yüksəlib. Ölkədə indiyədək ümumilikdə 24 027 nəfərdə koronavirus aşkarlanıb. 

Portuqaliyada sağalanların ümumi sayı 1 357-yə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 3 013 000-i ötüb. Bunların 888 362 nəfəri sağalıb, 207 895 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.