Pompeonun KXDR səfərinin təxirə salınma səbəbi məlum olub

Bakı. 28 avqust. REPORT.AZ/ ABŞ prezidenti Donald Tramp Şimali Koreya Əmək Partiyasının Vahid cəbhə şöbəsinin rəisi Kim Yon Çxol tərəfindən ona yazılan məktubdan sonra dövlət katibi Maykl Pompeonun KXDR-ə səfərini təxirə salmaq qərarına gəlib.

“Report” TASS-a istinadən xəbər verir ki, bunu bazar ertəsi ABŞ-ın Prezident Administrasiyasındakı mənbələrə istinadən "The Washington Post" qəzeti yazıb.

Məlumata görə, Pompeonun Trampa təqdim etdiyi məktub "aqressiv tərzdə" yazılıb. Məktubun məzmunu açıqlanmır.