Mayk Pompeo ABŞ üçün əsas təhlükənin nə olduğunu açıqlayıb

"Huawei" şirkətinin Çin hökuməti ilə əlaqələri Vaşinqton üçün əsas təhlükədir".

"Report" "Fox News"a istinadən xəbər verir ki, bunu ABŞ Dövlət katibi Mayk Pompeo deyib.

Onun sözlərinə görə, şirkət Çin hökuməti ilə sıx bağlıdır.

Dövlət katibi həmçinin ABŞ şirkətlərinin hökumətlə başqa cür qarşılıqlı əlaqə yaratdığını əlavə edib. Pompeo vurğulayıb ki, ABŞ-da prezidentlər özəl şirkətləri idarə etmirlər.

Qeyd edək ki, ABŞ Ticarət Nazirliyi mayın 17-dən etibarən Çinin "Huawei" şirkətini və onunla əlaqəli hüquqi şəxsləri milli təhlükəsizliyə təhdid səbəbi ilə qara siyahıya salıb.