Yuxarı
    Bağlamaq

    ​Polşada üç nazir və Seymin spikeri istefa verib

    Məmurlar danışıqlarının dinlənməsinə görə istefaya gediblər

    Bakı. 10 İyun. REPORT.AZ/ Polşanın səhiyyə, idman və dövlət xəzinədarlığı nazirləri, həmçinin ölkə Seyminin spikeri istefa verdiklərini bəyan ediblər.

    "Report" "Gazeta Polska" nəşrinə istinadən xəbər verir ki, bu barədə Polşanın baş naziri Yeva Kopaç məlumat verib.

    "Bu gün Bartoş Arlukovçiç (səhiyyə naziri), Anjey Bernat (idman naziri), Vlodimej Karpinskinin (dövlət xəzinədarlığı naziri) istefa ərizəsi mənim masamın üzərinə qoyulub", - deyə Kopaç bildirib.

    O əlavə edib ki, Polşa Seyminin spikeri Radoslav Sikorski də istefaya getmək niyyətində olduğunu bildirib.

    Bundan əlavə, bir neçə nazir müavini və baş nazirin müşavirlər qrupunun rəhbəri, respublikanın sabiq maliyyə naziri Yan Rostovski də öz vəzifəsindən imtina edib.

    Qeyd olunur ki, nazirlər məmurların danışıqlarının dinlənməsi ilə bağlı yaranan qalmaqal ilə əlaqədar istefaya gediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi