Yuxarı
    Bağlamaq

    Varşavada polis aksiyaçılara qarşı gözyaşardıcı qaz tətbiq edib - YENİLƏNİB

    ...qazdan istifadə edirlər, döyürlər

    Bakı. 17 dekabr. REPORT.AZ/ Polşa polisi paytaxt Varşavada parlament binasını mühasirəyə almış aksiya zamanı etirazçılara qarşı gözyaşardıcı qaz tətbiq edib.

    "Report"un məlumatına görə, bu barədə "Wyborcza" qəzeti xəbər verib.

    Qəzetin məlumatına görə, hüquq-mühafizə orqanlarının əməkdaşları aksiyaçılara qarşı gözyaşardıcı qaz tətbiq etməklə yanaşı etirazçılara qarşı kifayət qədər aqressiv davranıblar.

    "...(Polislər) qazdan istifadə edirlər, döyürlər. Dinc aksiyaçıları itələyirlər" – bu sözləri isə Polşanın Demokratiyanı Müdafiə Komitəsinin üzvü Tvitterdə yazıb. 


    *** 04:55

    Polşada aksiyaçılar parlament binasının girişini bağlayıblar.

    "Report" "Reuters"ə istinadən xəbər verir ki, polis ölkə paytaxtında aksiya keçirən minlərlə insanı ərazidən kənarlaşdırmağa müvəffəq olsa da, aksiyaya yeni insanlar qoşulub.

    "Associated Press"in məlumatına görə isə, aksiyaçılar ölkədə yeni qəbul edilən qanunun kütləvi informasiya vasitələrinin azadlığını məhdudlaşdırmasına etiraz edirlər. Layihəni Polşanın hakim mühafizəkar "Qanun və ədalət" partiyası irəli sürüb.

    Paytaxt Varşava şəhərinin sakinləri ölkənin bayraqlarıyla küçələrə çıxaraq müstəqil mediaya dəstək şüarları səsləndiriblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi