Polşa və Rumıniya Aİ-dən Ukraynadan taxıl idxalına nəzarət mexanizmini istəyib

Polşa və Rumıniyanın Baş nazirləri Mateuş Moravetski və Nikolae Çuke bildiriblər ki, onların ölkələri fermerləri ucuz idxal olunan taxıl axınından qoruyacaq ticarət mexanizminin tətbiqi üçün Avropa Komissiyası ilə danışıqlar aparır.

“Report” xəbər verir ki, bu barədə “Reuters” məlumat yayıb.

Bildirilib ki, mexanizm Ukraynadan gələn taxılın dempinq qiymətinə satışının qarşısını almaq üçün onun izlənməsini nəzərdə tutur.

Martın 23-də polşalı fermerlər Ukrayna taxılının ölkəyə axınına qarşı etiraz aksiyası keçiriblər. Növbəti gün Avropa Komissiyası bazarda Ukrayna taxılının çox olması şəraitində fermerlərə dəstək üçün 56 milyon avro ayırıb.