Perunun vitse-prezidenti dövlət başçısı kimi and içib

Perunun birinci vitse-prezidenti Dina Boluarte çərşənbə günü dövlət başçısı kimi and içib.

“Report” TASS-a istinadən xəbər verir ki, andiçmə mərasimi parlamentin tviter səhifəsində canlı yayımlanıb.

"Tanrının, vətənin və bütün peruluların adına and içirəm ki, Peru Konstitusiyasına uyğun olaraq üzərimə götürdüyüm respublika prezidenti vəzifəsini bu gündən 2026-cı il iyulun 26-na qədər vicdanla yerinə yetirəcəyəm", - o deyib.