Perunun keçmiş prezidenti azadlığa çıxıb

Bakı. 5 yanvar. REPORT.AZ/ Perunun keçmiş prezidenti Alberto Fuximori ölkə başçısı Pedro Pablo Kuçinskinin əfv qərarı ilə azadlığa buraxılıb.

"Report" xəbər verir ki, bu barədə "AFP" məlumat yayıb.

"Perunun eks prezidenti Alberto Fuximori prezident Pablo Kuçinskinin mübahisəli əfv qərarından sonra Limadakı xəstəxananı əlil arabası ilə, azad insan kimi tərk edib", - deyə agentlik bildirib.

Daha əvvəl məlum olub ki, Kuçinski Fuximorini səhhəti ilə əlaqədar həbsxanadan azadlığa buraxmaq qərarına gəlib. Bu qərar ölkədə kütləvi narazılıqlara səbəb olub.