Bakı. 1 mart. REPORT.AZ/ Peruda bir neçə gündür davam edən leysan yağışların qurbanlarının sayı artıb.
"Report" xəbər verir ki, bu barədə "El Peruano" qəzeti məlumat yayıb.
Bildirilir ki, 51 nəfər leysan yağışların qurbanı olub. Təbii hadisə ilə bağlı ölkənin bir neçə regionunda fövqəladə vəziyyət rejimi tətbiq edilib.
Fövqəladə vəziyyət rejimi 60 təqvim günü müddətində Arekipa və Uanuko əyalətlərinin bir neçə rayonunda tətbiq edilib.
Daha əvvəl fövqəladə vəziyyət ölkənin cənub-şərqində elan olunub.
Daha əvvəl Peruda güclü yağışlar səbəbindən otelin divarı uçub. Uçqun zamanı azı 15 nəfər ölüb, daha 29 nəfər xəsarət alıb.