Bakı. 18 yanvar. REPORT.AZ/ Əfqanıstanda qızıl mədənində partlayış olub.
Bu barədə "Report" "Tolo News"a istinadən xəbər verir.
Məlumata görə, hadisə Bədəhşan vilayətində, Raqistan adlı ərazidə baş verib. Partlayış nəticəsində 8 nəfər həlak olub, həmçinin 2 nəfər xəsarət alıb. Yaralıların vəziyyəti barədə məlumat verilmir.
Hadisənin təfərrüatı açıqlanmır.
Daha əvvəl Əfqanıstanın paytaxtı Kabildə baş verən terror aktında 90 nəfər yaralanıb.