Yuxarı

Parisin mərkəzində partlayış baş verib - VİDEO - YENİLƏNİB

Məişət qazının partlaması nəticəsində ən azı 5 nəfər xəsarət alıb

Bakı. 1 aprel. REPORT.AZ/ Bu gün Parisin 4 Bérite küçəsində məişət qazının partlaması baş verib. "Report" "Le Parisien"-ə istinadən xəbər verir ki, partlayış nəticəsində ən azı 5 nəfər xəsarət alıb. 

Partlayış yerinə yaxın yerləşən restoranlardan birinin sahibinin sözlərinə görə, birinci mərtəbədə yerləşən mənzildə yanğın başlayıb. Yanğınsöndürənlər hadisə yerinə gəlib, lakin bir müddət sonra partlayış baş verib və binanın bir hissəsi çöküb.

*** 14:52

Parisin mərkəzində partlayış baş verib.

"Report" "RİA Novosti"yə istinadən xəbər verir ki, bu barədə şahidlərin sözləri əsasında "Nuvel observater" qəzeti məlumat yayıb. 

Baş verənlərin səbəbləri aydınlaşdırılır.

Partlayışın səbəbi məlum olmasa da, "Twitter" istifadəçiləri hadisənin təbii qaz balonunun partlaması nəticəsində baş verdiyini iddia edib.

Məlumata görə, partlayış baş verən əraziyə çoxlu sayda təcili tibbi yardım avtomobilləri cəlb olunub.



Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi