Yuxarı
    Bağlamaq

    ​Parisdə ticarət mərkəzindəki girovlar azad edilib

    Silahlı qarətçilər ticarət mərkəzinin geyim şöbəsindən paltar oğurlamağa cəhd göstərib

    Bakı. 13 iyul. REPORT.AZ/ Fransanın xüsusi təyinatlı polis dəstəsi Paris ətrafındakı Vilnyöv-la-Qarenn şəhərindəki ticarət mərkəzindəki girovların azad edilməsi əməliyyatını uğurla başa çatdırıb.

    "Report" xəbər verir ki, bu haqda "France-Presse" məlumat yayıb.

    Xəbərə görə, azad edilən 18 nəfərin hamısı səhər tezdən iş yerində olan ticarət mərkəzinin əməkdaşlarıdır.

    Silahlı qarətçilər ticarət mərkəzinin geyim şöbəsindən paltar oğurlamağa cəhd göstərib. Bu zaman işçiləri girov götürüblər. Onlardan biri dostuna sms vasitəsi ilə hadisə haqda məlumat göndərib.

    Xəbərə görə, girovlardan heç biri xəsarət almayıb. Qarətçilərin onlara qarşı zor tətbiq etməsi və ya hər hansı tələb irəli sürməsi barədə məlumat yoxdur. Sadəcə olaraq ticarət mərkəzi işçilərinin lazımi yerdə olmamaları bildirilir.

    Silahlıların 2 yaxud, 3 nəfər olduğu, eləcə də onların ticarət mərkəzində qaldıqları, yoxsa qaçdıqları hələ bilinmir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi