​Paraqvayda həbsxanada yanğın zamanı 6 nəfər ölüb

Bakı. 11 iyun. REPORT.AZ/ Paraqvayda həbsxanada yanğın hadisəsi baş verib. "Report" "Ultima Hora" qəzetinə istinadən xəbər verir ki, hadisə zamanı 5 məhkum və 1 həbsxana nəzarətçisi ölüb.

Məlumata görə, yanğın ilk öncə zirzəmidə yaranıb. 

Məhbuslar başqa yerə köçürülüb. 

Hadisənin səbəbləri araşdırılır.

Qeyd edək ki, ölkənin hüquq müdafiə təşkilatları həbsxana cəza sisteminin pis vəziyyətdə olmasından hakimiyyətə dəfələrlə şikayət ediblər.