Papua-Yeni Qvineyada tayfalararası toqquşmalar zamanı azı 16 nəfər həlak olub.
Bu barədə “Report” ABC nəşrinə istinadən xəbər verir.
Bildirilir ki, öldürülənlər arasında qadınlar və uşaqlar da var. Xela əyalətinin qubernatoru Filip Undialın sözlərinə görə, toqquşmalar qəsəbələrdən birində baş verib.
Qətllərin səbəbi hələ müəyyən edilməyib. Qubernator insanların həlak olması ilə əlaqədar başsağlığı verib.
Nəşr qeyd edib ki, Haylends regionunda tayfalararası toqquşmalar tez-tez baş verir.