Papua-Yeni Qvineya sahillərində 5,3 bal gücündə zəlzələ olub

Баку. 30 марта. REPORT.AZ/ Sakit okeanın qərb hissəsində, Papua-Yeni Qvineya sahillərində 5,3 bal gücündə zəlzələ olub.

"Report" "TASS" agentliyinə istinadən xəbər verir ki, bu haqda ABŞ Geoloji Araşdırmalar Mərkəzi məlumat yayıb.

Yeraltı təkanların episentri Panquna şəhərindən 79 km. cənub-şərqdə yerləşib. Zəlzələnin ocağı isə 10 km dərinlikdə olub.

Dağıntılar və xəsarət alanlar barədə məlumat verilmir. Sunami xəbərdarlığı olunmayıb.