Pandemiya Hindistanda: Bir gündə 267 min yoluxma, 4,5 mindən çox ölü

Yeni növ koronavirus infeksiyası Hindistanda tüğyan edir.

“Report”un məlumatına görə, bir gün ərzində ölkədə 4 525 nəfər COVID-19-dan və yanaşı xəstəliklərdən ölüb. Xəstəlik ümumilikdə 283 276 insanın ölümünə səbəb olub.

Sutka ərzində ölkədə 267 174 nəfər koronavirusa yoluxub və bu xəstəliyə yoluxmuşların ümumi sayı 25,4 milyonu ötüb.

Hindistan koronavirusa yoluxmaların ümumi sayına görə dünyada ikinci yeri tutur.