Yuxarı

​Panamanın keçmiş prezidenti barəsində həbs qərarı çıxarılıb

O, milyaderdir və supermarketlər şəbəkəsinin sahibidir

Bakı. 22 dekabr. REPORT.AZ/ Panamanın Ali Məhkəməsi keçmiş prezident Rikardo Martinellinin həbsi barədə qərar qəbul edib.

"Report" xəbər verir ki, bu haqda "Reuters" məlumat yayıb.

Martinelli 2009-2014-cü illərdə ölkənin prezidenti olub. Onun bir neçə korrupsiya əməlində əli olduğu bildirilir. Xəbərdə bildirilib ki, Martinelli ətrafındakı 150-dən çox insana dövlət büdcəsindən qeyri-qanuni pul ayıraraq onları nəzarəti altında saxlayırmış.

Martinelli milyaderdir, o, "Super99" supermarketlər şəbəkəsinin də sahibidir.

Martinelli bu ilin yanvarında Panamanı tərk edib. Hazırda onun Mayamidə olduğu ehtimal edilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi