Yuxarı

​Pakistanın keçmiş prezidenti barədə həbs orderi ləğv edilib

Ondan aprelin 27-də məhkəmə iclasında iştirak etməsinə dair iltizam alınıb

Bakı. 8 aprel. REPORT.AZ/ Pakistanın keçmiş prezidenti Pərviz Müşərrəfin həbsinə dair order ləğv edilib.

"Report" BBC-yə istinadən xəbər verir ki, İslamabadın Ali Məhkəməsi bu haqda qərar çıxarıb.

Xəbərə görə, ondan aprelin 27-də məhkəmə iclasında iştirak etməsi barədə iltizam alınıb. Məlumatda bildirilib ki, o bu iltizamı pozarsa, o zaman order yenidən qüvvəyə minəcək.

Xatırladaq ki, Pərviz Müşərrəf 2007-ci ildə qətlə yetirilmiş din xadimi Abdulla Raşid Qazinin qətli ilə bağlı keçirilən məhkəmə iclasına getmədiyi üçün barəsində həbs qərarı çıxarılmışdı. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi