Yuxarı

Pakistanda universitetə silahlı hücum nəticəsində ölənlərin sayı 21-ə çatıb - YENİLƏNİB

Hadisə yerinə güc orqanlarının və xilasetmə xidmətlərinin əməkdaşları gəlib

Bakı. 20 Yanvar. REPORT.AZ/ Pakistanın şimal-qərbində yerləşən Çarsadda şəhərindəki universitetə silahlı hücum nəticəsində ölənlərin sayı ilkin məlumatlara görə, 21-ə çatıb. "Report" xəbər verir ki, bu barədə "Dawn" agentliyi məlumat verib.

Universitet kampları və tələbə yataqxanaları boşaldılıb. Hadisə yerinə güc orqanlarının və xilasetmə xidmətlərinin əməkdaşları gəlib.

Hücum zamanı təhsil müəssisəsində 3 minə yaxın tələbə olub.

***09:51

Pakistanın şimal-qərbində yerləşən Çarsadda şəhərindəki universitetə silahlı hücum edilib.

"Report" xarici KİV-ə istinadən xəbər verir ki, hücum zamanı azı iki partlayış da həyata keçirilib.

Silahlı hücum nəticəsində ən azı bir nəfər ölüb, altı nəfər isə yaralanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi