Yuxarı
    Bağlamaq

    ​Pakistanda silahlı hücum: 20 ölü, 3 yaralı

    Pakistanın baş naziri Nəvaz Şərif təcavüzü qətiyyətlə pisləyib və hadisənin qurbanı olan fəhlələrin ailələrinə başsağlığı verib

    Bakı. 11 aprel. REPORT.AZ/ Ötən gecə Pakistanın cənub-qərbindəki Bəlucistan əyalətində, Turbat rayonunda naməlum silahlı şəxslər Söhrab bəndinin körpüsünün tikintisində çalışan fəhlələrin qaldığı çadırlara atəş açıblar. 

    "Report" "RİA Novosti"yə istinadən xəbər verir ki, nəticədə 20 nəfər ölüb, 3 nəfər yaralanıb. Yaralılar bölgədəki xəstəxanaya qaldırılıblar.

    Naməlum silahlılar motosikletlərlə hadisə yerindən qaçıblar. Hələlik heç bir terrorçu qruplaşma hadisənin məsuliyyətini öz üzərinə götürməyib. 

    Polis hadisənin səbəblərini araşdırır və cinayətkarları tapmaq üçün istintaq başlayıb.

    Pakistanın baş naziri Nəvaz Şərif təcavüzü qətiyyətlə pisləyib və hadisənin qurbanı olan fəhlələrin ailələrinə başsağlığı verib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi