​Pakistanda iki kilsə yaxınlığında partlayış törədilib: ölən və yaralananlar var

​Pakistanda iki kilsə yaxınlığında partlayış törədilib: ölən və yaralananlar var Nəticədə ən azı 5 nəfər ölüb, 50-ə yaxın insan yaralanıb
Digər ölkələr
15 Mart , 2015 13:43
​Pakistanda iki kilsə yaxınlığında partlayış törədilib: ölən və yaralananlar var

Bakı. 15 mart. REPORT.AZ/ Bu gün səhər saatlarında Pakistanın Lahor şəhərində yerləşən kilsələrdən ikisi yaxınlığında partlayış səsləri eşidilib.

"Report" BBC-yə istinadən xəbər verir ki, terror aktları nəticəsində ən azı 5 nəfər ölüb, təqribən 50 nəfər yaralanıb.

Partlayışlar xristianların bazar günü ibadəti üçün kilsəyə getdiyi zamanı baş verib. Terror aktlarına görə məsuliyyəti "Taliban"ın Pakistan qolu öz üzərinə götürüb.

Hadisə şahidlərinin ifadələrinə görə, partlayışlar terrorçu-kamikadzelər tərəfindən törədilib, lakin informasiya hələ ki, öz rəsmi təsdiqini tapmayıb.

Son xəbərlər

Orphus sistemi