Bakı. 21 May. REPORT.AZ/ Pakistanda baş vermiş yol qəzası nəticəsində ən azı 10 nəfər həlak olub.
"Report"un məlumatına görə, bu haqda ölkənin radioyayım korporasiyası xəbər yayıb.
Məlumata görə, hadisə ölkənin şimalında, Nasirabad şəhərində, Canq dairəsində baş verib. İlkin məlumata görə, sərnişin avtobusun yük avtomobili ilə toqquşması nəticəsində 18 nəfər xəsarət alıb.
Yaralılar xəstəxanaya çatdırılıb. Hadisənin təfərrüatları haqqında məlumat verilmir.