Pakistan XİN: “Problemin həlli üçün fəaliyyətimizi əlaqələndirməliyik”

“Əfqanıstanla bağlı ümumi problemi həll etmək üçün qonşu ölkələr olaraq fəaliyyətimizi əlaqələndirməliyik”.

“Report” TASS-a istinadən xəbər verir ki, bunu Pakistan Xarici İşlər Nazirliyinin rəsmi nümayəndəsi Asim İftixar Əhməd söyləyib.

Bildirilib ki, Pakistanın xarici işlər naziri Şah Mahmud Qureyşinin Əfqanıstandakı vəziyyəti müzakirə etmək və ikitərəfli əlaqələri gücləndirməklə bağlı məsələlər barədə fikir mübadiləsi aparmaq üçün Tacikistan, Özbəkistan, Türkmənistan və İrana səfərləri başlayıb.

A.İ.Əhmədin sözlərinə görə, Pakistan Tacikistan, Özbəkistan, Türkmənistan və İranla çoxtərəfli əlaqələrin və əməkdaşlığın inkişaf etdirilməsini arzulayır.