Özbəkistan prezidenti Əfqanıstanla sərhəddə yaranmış vəziyyətlə bağlı toplantı keçirib

Bakı. 28 iyul. REPORT.AZ/ Özbəkistan prezidenti İslam Kərimov respublikanın cənub sərhədlərində, o cümlədən Əfqanıstanla sərhəddə yaranmış vəziyyətlə bağlı Təhlükəsizlik Şurasının iclasını keçirib. 

"Report"un məlumatına görə, bu barədə dövlət başçısının mətbuat xidmətinin məlumatında bildirilir.

"Təhlükəsizlik Şurasının sədri, ölkə prezidenti İslam Kərimovun keçirdiyi iclasda ölkənin cənub sərhədlərində təhlükələrin neytrallaşdırılması və təhlükəsizliyinin təmin edilməsi məsələləri müzakirə olunub" – deyə məlumatda deyilir.

Mətbuat xidmətinin məlumatına görə, iclasda həmçinin regionun qonşu dövlətlərilə terrorizm və ekstremizmlə mübarizədə əməkdaşlığın möhkəmləndirilməsi məsələsinə baxılıb. Müşavirədə hökumətin və müvafiq idarələrin rəhbərləri iştirak ediblər.