Bakı. 3 yanvar. REPORT.AZ/ Ötən il İraqda 6800-dən artıq dinc əhali qırğınların qurbanı olub, daha 12,3 min insan yaralanıb.
"Report" "RİA Novosti"yə istinadən xəbər verir ki, bu barədə BMT-nin İraqa yardım göstərilməsi üzrə missiyasının (UNAMI) məlumatında deyilir.
"2016-cı ildə UNAMI mülki əhali arasında 19 266 ölən və yaralanan şəxs qeydə alıb. Onlardan 6 878 nəfəri öldürülüb, 12 388 nəfəri yaralanıb", - yanvarın 2-də dərc olunan məlumatda bildirilib.
Missiya həmçinin qeyd edir ki, İraqın qərbindəki Ənbar vilayətində ötən ilin may, iyul, avqust və dekabr ayları üçün qurbanlar haqqında məlumatlar hesablamalara daxil deyil.