Bakı. 28 sentyabr. REPORT.AZ/ OPEK ölkələrinin rəsmiləri Əlcəzairdə keçirilmiş görüşdə neft hasilatının dondurulması barədə razılığa gəliblər.
"Report"un məlumatına görə, bu barədə "Reuters" məlumat yayıb.
Məlumata görə, OPEK-ə üzv ölkələr neftin gündəlik hasilatının 32,5 milyon barel həcmdə məhdudlaşdırılmasını razılaşdırıblar.
Agentlik OPEK-in nümayəndə heyətindəki mənbələrə istinadən xəbər verib ki, təşkilat razılaşmayla əlaqədar neft ixrac edən digər ölkələrə də müraciət edəcək.