Nyu-Yorkda ekstremist qruplaşmanın üzvləri həbs edilib

Nyu-Yorkda ekstremist qruplaşmanın üzvləri həbs edilib Bakı. 30 dekabr. REPORT.AZ/ Nyu-Yorkda ekstremist yəhudi qruplaşmasının dörd üzvü iki yeniyetmənin oğurluğunda təqsirləndirilərək həbs olunub.
Digər ölkələr
30 Dekabr , 2018 10:52
Nyu-Yorkda ekstremist qruplaşmanın üzvləri həbs edilib

Bakı. 30 dekabr. REPORT.AZ/ Nyu-Yorkda ekstremist yəhudi qruplaşmasının dörd üzvü iki yeniyetmənin oğurluğunda təqsirləndirilərək həbs olunub.

"Report"un məlumatına görə, bu barədə AFP xəbər verib.

Nyu-Yorkun Cənub dairəsinin prokuroru bildirib ki, saxlanılanlar ultraortodoksal "Lev Axor" sektasının üzvləridir. Onlardan biri, Bruklin şəhərində yaşayan 45 yaşlı Aron Rozner dekabrın 23-də həbs olunub.

Saxlanılanlardan Nahman Helbransın təriqətin lideri olduğu ehtimal edilir. O və qruplaşmanın üzvləri Mayer RoznerCeykob Rozner Nyu-Yorka gələn kimi həbs ediliblər.

Onlar Nyu-York şəhərindən təxminən 150 kilometr şimalda yerləşən Vudric kəndində 14 yaşlı qızın və onun 12 yaşlı qardaşının oğurlanmasında ittiham olunurlar. Uşaqların anası təxminən altı həftə əvvəl öz ailəsinin təhlükəsizliyinə görə ehtiyat edərək Qvatemalada təriqəti tərk edib.

Qeyd edək ki, daha əvvəl Nyu-Yorkda uşaq bağçasına silahlı hücum edilib.

Son xəbərlər

Orphus sistemi