Yuxarı

Olland: “Normandiya dördlüyü” liderləri yenidən toplana bilər

Belə bir görüş lazım gəlsə önümüzdəki həftə də keçirilə bilər

Bakı. 13 fevral. REPORT.AZ/ “Normandiya dördlüyü” – Ukrayna, Rusiya, Fransa və Almaniya rəhbərləri gələn həftə bir daha toplana bilər.

"Report" TASS agentliyinə istinadla xəbər verir ki, bu ehtimalı Fransa prezindenti Fransua Olland Avropa Birliyi liderlərinin görüşündən sonra səsləndirib.

Onun sözlərinə görə, Belarusun paytaxtı Minsk şəhərində Donbass probleminin həlli üzrə aparılan danışıqlar real nəticə versə və bu bazar ateşkəs rejimi qüvvəyə minsə “Normandiya dördlüyü”nün yeni görüşü məsələsi gündəmə gələ bilər.

"Belə bir görüş lazım gəlsə önümüzdəki həftə də keçirilə bilər", - deyən Fransa lideri, döyüşlərin davam edəcəyi halda Avropa ölkələrinin Rusiyaya qarşı yeni sanksiyalar paketini tətbiq etməyə məcbur olacağını da vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi