Bakı. 14 yanvar. REPORT.AZ/ Barak Obama prezident postunda son mətbuat konfransını yanvarın 18-də keçirəcək.
"Report" xəbər verir ki, bu barədə jurnalistlərə Obamanın mətbuat katibi Coş Ernest məlumat verib.
"Çərşənbə günü ABŞ prezidenti dövlət başçısı qismində son mətbuat konfransını burada, brifinq zalında keçirəcək", — deyə Ernest bildirib.
Obama yanvarın 20-də istefaya gedəcək, ölkənin yeni prezidenti noyabrda seçilmiş Donald Tramp olacaq.