Yuxarı

Obama: "Regionda zorakılıq dayandırılmayınca ABŞ Rusiya ilə Suriya üzrə əməkdaşlıq etməyəcək"

Bu barədə Ağ evin bəyanatında bildirilir

Bakı. 17 sentyabr. REPORT.AZ/ ABŞ prezidenti Barak Obama Rusiya və Amerika tərəfindən Suriya üzrə qəbul olunan razılaşmadan sonra bölgədə zorakılıq səviyyəsinin aşağı endirilməsinə baxmayaraq, Dəməşqin humanitar yüklərin əhaliyə çatdırılmasına mane olması ilə bağlı dərin təəssüfünü ifadə edib.

"Report" "Reuters"ə istinadən xəbər verir ki, bu barədə Ağ evin bəyanatında bildirilir.

Obama Milli Təhlükəsizlik Şurasının üzvləri ilə görüşdə qeyd edib ki, ABŞ bölgədə 7 gün ərzində zorakılığın fasiləsiz olaraq azaldılması və humanitar yardımın daimi maneəsiz çatdırılmasına riayət olunmayınca Rusiya ilə sazişin gələcək fəaliyyətini dəstəkləməyəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi