Bakı. 15 aprel. REPORT.AZ/ ABŞ prezidenti Barak Obama ölkə Konqresinə məktubla müraciət edərək Kubanın "terrora dəstək verən dövlətlər" siyahısından çıxarılmasını istədi.
"Report"un RİA "Novosti" agentliyinə istinadən verdiyi xəbərə görə, Ağ Ev başçısının məktubunun mətni ictimaiyyətə açıqlanıb.
Qeyd edək ki, ilk dəfə 1979-cu ildə tərtib olunun bu siyahıya ilkin mərhələdə Kuba ilə yanaşı Liviya, İraq, Cənubi Yəmən və Suriya daxil edilmişdi.
Hazırda isə siyahıda Kuba, İran, Sudan və Suriyanın adları var.