Yuxarı
    Bağlamaq

    ​Ağ Ev: Obama ilə Merkel Minsk razılaşmasını müzakirə ediblər

    Hər iki ölkə lideri terrorizmə qarşı birgə mübarizə aparmaq arzusunda olduqlarını bildiriblər

    Bakı. 28 iyul. REPORT.AZ/ ABŞ prezidenti Barak Obama ilə Almaniya kansleri Angela Merkel arasında telefon danışığı olub.

    "Report" xəbər verir ki, bu barədə Ağ Evdən məlumat verilib. Məlumata görə, hər iki ölkə lideri terrorizmə qarşı birlikdə və prinsipial mübarizə aparmağı davam etdirmək arzusunda olduqlarını bildiriblər.

    ABŞ prezideti və Almaniya kansleri son günlər baş verən terror hadisələrini xüsusi müzakirə ediblər. Barak Obama Almaniyada terror hücumlarında dünyalarını dəyişmiş şəxslərin ailələrinə başsağlığı verib.

    Ölkə rəsmiləri həmçinin Ukrayna problemini, o cümlədən Minsk razılaşmasını diqqət mərkəzində saxlayıblar. ABŞ və Almaniya rəsmiləri bu məsələdə əməkdaşlığı davam etdirəcəklərini vurğulayıblar.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi