Obama amerikalıları miqrantlardan qorxmamağa çağırıb

Bakı. 24 iyun. REPORT.AZ/ ABŞ prezidenti Barak Obama amerikalıları miqrantlardan qorxmamağa çağırıb. "Report" RİA "Novosti"yə istinadən xəbər verir ki, o, bu fikirləri xüsusi müraciətində səsləndirib

ABŞ prezidenti hesab edir ki, miqrantlar Birləşmiş Ştatları gücləndirir. 

"Onlar (miqrantlar) xarakterimizi formalaşdırıblar və bizi gücləndiriblər. Mən qəti əminəm ki, miqrasiyadan qorxmaq lazım deyil. Bizi ümumi qayələr amerikalı edir. Biz hamınız bərabər yaradılmışıq" – deyə Obama bildirib.