Bakı. 2 iyun. REPORT.AZ/ Birləşmiş Ştatların sabiq prezidenti Barak Obama ölkənin iqlim üzrə Paris sazişindən çıxmaqla gələcəyi inkar etdiyini bildirib.
"Report" RİA "Novosti"yə istinadən xəbər verir ki, bu barədə "Bloomberg" agentliyi məlumat yayıb.
"Hətta bu administrasiya (Tramp – red.) gələcəyi inkar edən azsaylı dövlətlər sırasına qoşulsa belə, mən əminəm ki, bizim dövlətimiz, şəhərlərimiz və müəssisələrimiz yeganə planetimizin gələcək nəsillər üçün qorunmasına kömək etmək və bunda aparıcı rol oynamaqdan ötrü fəallaşacaq və daha çox şey edəcək", - deyə agentlik sabiq dövlət başçısının sözlərini sitat gətirib.