Bakı. 25 yanvar. REPORT.AZ/ ABŞ Prezidenti Donald Trampın "Keystone XL" və "Dakota Access" neft kəmərlərinin inşasına icazə verəcəyi ilə bağlı xəbərlərin yayılmasından sonra Nyu-Yorkda "Trump Tower" göydələni yaxınlığında etiraz yürüşü keçirilib.
Bu barədə "Report" "Reuters"ə istinadən xəbər verir.
Qeyd edək ki, Ağ Evin keçmiş rəhbəri Barak Obama neft kəmərlərinin tikintisini onların ABŞ-ın iqlim dəyişikliyi ilə mübarizədə qlobal liderliyinə zərbə vuracağı və eləcə də sərfəli olmaması səbəbi ilə dondurmuşdu.