Bakı. 10 sentyabr. REPORT.AZ/ "Normand dördlüyü" (Fransa, Almaniya, Rusiya və Ukrayna) liderlərinin görüşü oktyabrın əvvəlində Parisdə keçiriləcək.
"Report" xəbər verir ki, bu barədə çərşənbə günü dörd ölkə liderinin telefon söhbətindən sonra Yelisey Sarayı məlumat yayıb.
"Fransua Olland, Angela Merkel, Vladimir Putin və Pyotr Poroşenko telefon söhbəti zamanı Donbasda atəşkəs rejiminə tam riayət olunduğu qənaətinə gəliblər", - deyə məlumatda qeyd olunub.
"Dördlük" ölkələrinin liderləri telefon danışığının nəticəsi olaraq öz ölkələrinin xarici işlər nazirlərinə sentyabrın 12-də Berlində görüş keçirmək tapşırığı veriblər.