Bakı. 27 aprel. REPORT.AZ/ Nikaraquada etiraz aksiyası qurbanlarının sayı 63 nəfərə çatıb.
“Report” RİA "Novosti"yə istinadən xəbər verir ki, bunu cümə axşamı Nikaraquada insan haqları üzrə daimi komissiyasının nümayəndəsi Markos Karmona deyib.
Bundan əvvəl ölənlərin sayı 34 nəfər təşkil edirdi. Ölkədə etiraz aksiyaları aprelin 18-də hökumət tərəfindən təqaüdlə bağlı aparılan islahatlar fonunda başlayıb. Prezident Daniel Orteqa artıq islahatları təxirə salıb.