Yuxarı
    Bağlamaq

    ​Nigeriyada yaraqlıların hücumu nəticəsində 29 nəfər ölüb

    Sağ qalanların çoxu odlu silahdan xəsarət alıb

    Bakı. 28 iyul. REPORT.AZ/ Nigeriyanın şimal-şərqində yerləşən bir neçə yaşayış məntəqəsinə yaraqlılar tərəfindən həyata keçirilən hücumlar nəticəsində ən azı 29 nəfər həlak olub. Yaraqlıların "Boko Haram" qruplaşmasının üzvü olduqları ehtimal edilir.

    "Report"un "RİA Novosti"yə istinadən verdiyi xəbərə görə, məlumatı yerli hakimiyyət nümayəndələri yayıb.

    "Sinxua" agentliyinin Nigeriya parlamentinin deputatı Cubrin Satumariyə istinadən verdiyi xəbərə görə, yaraqlılar Dille yaşayış məntəqəsini və Borno ştatında iki yaxın kəndi atəşə tutub. İyulun 27-də başlanan atışma bu gün səhərədək davam edib.

    Yerli hakimiyyətin məlumatına görə, yaraqlılar kəndlərə motosikl və mikroavtobuslarla hücum edərək, АК-47 avtomatlarından atəş açıb. Onlar həmçinin "Molotov kokteyli"ndən istifadə ediblər.

    Satumarinin sözlərinə görə, sağ qalanların çoxu odlu silahdan xəsarət alıb.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi