​Nigeriyada partlayış: 20 nəfər ölüb, 50-dən çox insan yaralanıb

Bakı. 22 dekabr. REPORT.AZ/ Nigeriyanın cənub-şərqində, Qombe əyalətindəki dayanacaqda avtobusun partladılması nəticəsində 20 nəfər ölüb, 50-də çox insan yaralanıb.

"Report" İspaniyanın "EFE" agentliyinə istinadən xəbər verir ki, bu haqda yerli hüquq-mühafizə orqanları bildirib.

Məlumatda qeyd olunub ki, həmin vaxt dayanacaqda çoxlu adam olub. Onların çoxu Miladı öz şəhərlərində doğmaları ilə birlikdə keçirməyə gedirmiş.

Hadisə qurbanlarının sayının artacağı ehtimal edilir.