Bakı. 17 iyul. REPORT.AZ/ Nigeriyanın şimal-şərqində yerləşən Mayduquri şəhərinin məscidində baş verən terror aktın nəticəsində 8 nəfər həlak olub.
"Report" AFP-yə istinadən xəbər verir ki, partlayıcı qurğunu terrorçu-kamikadze qadın işə salıb.
Borno ştatının Fövqəladə Hallar Agentliyinin rəhbəri Əhməd Satominin məlumatına görə, partlayış nəticəsində daha 15 nəfər yaralanıb.
O bildirib ki, yerli sakinlər qızın davranışından şübhələnərək, onu izləməyə başlayıblar. O, məscidə yaxınlaşarkən, sakinlər onun üzərində axtarış aparmaq istəyib, lakin qız gözlənilmədən məscidə qaçaraq partlayıcı qurğunu işə salıb.