​Nigeriyada iki partlayış baş verib

Bakı. 6 İyul. REPORT.AZ/ Nigeriyanın mərkəzində yerləşən Cos şəhərində iki partlayış baş verib.

"Report" "Reuters"ə istinadən xəbər verir ki, terrorçuların zərbələrindən biri restorana, digəri isə əvvəllər "Boko Haram" terror qruplaşmasının üzvü olan müsəlman din xadiminin aradan götürülməsinə yönəlib.

Şəhər polisi partlayış faktlarını təsdiqləyib, lakin zərərçəkənlər barədə məlumat verilməyib.

Bundan əvvəl ölkədə kamikadze hücumu nəticəsində 15 nəfər dünyasını dəyişmişdi.