Yuxarı

Nigeriyada "Boko Haram" qruplaşmasının son bazalarına qarşı hücum başlanıb

Bu ərazi ötən fevraldan bəri havadan raket zərbəsinə tutulur

Bakı. 23 aprel. REPORT.AZ/ Nigeriya qoşunları terrorçu "Boko Haram" qruplaşmasının son istehkamı sayılan məntəqələrə hücum əməliyyatı başladıb.

"Report"un Azadlıq radiosuna istinadən verdiyi xəbərə görə, söhbət bu ölkənin şimal-şərqində yerləşən Sambisa meşəliyindəki "Boko Haram" bazalarından gedir.

Bu ərazi ötən fevraldan bəri havadan raket zərbəsinə tutulur. Ötən il qaçırılan onlarla məktəbli qızın məhz burada gizlədildiyi güman edilir. 

Boko Haram 2009-cu ildən bəri Nigeriyada minlərlə insanı qətlə yetirib. Qruplaşmanın fəaliyyəti nəticəsində 3 milyon insan evlərindən didərgin düşüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi