Yuxarı
    Bağlamaq

    Nigeriyada neft oğurluğunda şübhəli bilinən 10 nəfər saxlanılıb

    Şübhəli şəxslər gəmiyə neft doldurarkən hərbçilər tərəfindən saxlanılıblar© Courtesy İmage

    Bakı. 27 aprel. REPORT.AZ/ Nigeriya Hərbi Dəniz Qüvvələrinin nümayəndələri Delta ştatında neft oğurluğunda şübhəli bilinən 10 nəfəri saxlayıb.

    "Report"un məlumatına görə, bu barədə "Reuters" hərbi idarənin nümayəndəsinə istinadən xəbər verir.

    Xəbərdə bildirilir ki, şübhəli şəxslər çərşənbə axşamı səhər tezdən Forkados çayında "Shell Petroleum and Development Company" şirkətinə məxsus gəmiyə neft doldurarkən hərbçilər tərəfindən saxlanılıblar.

    Onların arasında iki ukraynalı, bir nigeriyalı, iki pakistanlı, üç qanalı, habelə digər ölkələrin vətəndaşları var. Nigeriya Hərbi Dəniz Qüvvələrinin nümayəndəsi İbrahim Devu bildirib ki, saxlanılanlar "Shell Petroleum" platformasından təxminən 2 milyon metrik ton neft çıxarıblar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi