Nepalda yük maşını dərəyə yuvarlanıb, 18 nəfər ölüb, 16 nəfər yaralanıb

Bakı. 15 dekabr. REPORT.AZ/ Ötən gün axşam Nepalın şərqində yük maşınının uçuruma yuvarlanması nəticəsində azı 18 nəfər ölüb, daha 16 nəfər də müxtəlif dərəcəli bədən xəsarətləri alıblar.

“Report” “RİA Novosti”yə istinadən xəbər verir ki, həmyerlilərinin dəfn mərasimindən qayıdan bir kəndin sakinlərini daşıyan maşının sürücüsü dağ yolunda idarəetməni itirib. Nəticədə maşın 400 metr hündürlükdən dərəyə yuvarlanıb. 

Xəsarət alanlardan bəzilərinin vəziyyəti ağır olaraq qiymətləndirilir.