Yuxarı
    Bağlamaq

    "NBC News": Tramp Lavrova İŞİD-in təyyarə partlatmaq planlarından xəbər verib

    Bu informasiyanın açıqlanması gizlincə İŞİD sıralarına soxulan israilli casusun həyatını təhlükə altına sala bilər

    Bakı. 17 may. REPORT.AZ/ ABŞ-ın "NBC News" telekanalı ölkə prezidenti Donald Tramp və Rusiya xarici işlər naziri Sergey Lavrov arasında baş tutan söhbətin detallarını üzə çıxarıb.

    "Report" xəbər verir ki, telekanal mənbələrinə istinadən söhbətin İŞİD terrorçularının təyyarənin göyərtəsində terror aktı törətmək planlarından gedib.

    Məlumata görə, ABŞ prezidenti terrorçuların Birləşmiş Ştatlara uçan təyyarədə terror aktı hazırladığını bildirib. Kanalın mənbələri terrorçuların təyyarəni göyərtədə olan noutbukdakı bomba ilə partlatmağı planlaşdırdığını vurğulayıb. Belə ki, bəzi mənbələr aeroportlarda yoxlama sisteminin belə bombaları "gözdən qaçırmasının" mümkünülüyünü qeyd edir.

    "NBC News" bildirib ki, bu informasiyanın açıqlanması gizlincə İŞİD sıralarına soxulan və terrorçuların planlarını Vaşinqtona ötürən israilli casusun həyatını təhlükə altına sala bilər.

    Qeyd edək ki, Tramp və Lavrov arasında görüş ötən həftə Ağ Evin Oval kabinetində baş tutub. Sonradan KİV ABŞ liderinin diplomatla İŞİD haqqında həddindən artıq gizli məlumatları paylaşdığını yazıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi