Nayrobidə otelə hücum nəticəsində ölənlərin sayı 21-ə çatıb

Bakı. 17 yanvar. REPORT.AZ/ Keniyanın Nayrobi şəhərində "Dusit" otelinə yaraqlıların hücumu nəticəsində ölənlərin sayı 21 nəfərə çatıb.

“Report” xəbər verir ki, bu barədə yerli polis nümayəndəsinə istinadən AFP məlumat yayıb.

Yanvarın 15-də bir qrup terrorçu Nayrobidə mehmanxanaya hücum edib. Silahlı insidentə görə məsuliyyəti "Əş-Şabab" qruplaşması öz üzərinə götürüb.