Bakı. 17 avqust. REPORT.AZ/ NATO Rusiya döyüş təyyarələrinin İrandan qalxmaqla İŞİD-in Suriyadakı mövqelərinə zərbələr endirməsinə münasibət bildirib.
"Report" "RİA Novosti"yə istinadən xəbər verir ki, NATO nümayəndəsi Rusiyanın Suriyadakı əməliyyatlar üçün İranın Həmədandakı hərbi hava bazasından istifadə etməsindən narahat olduqlarını söyləyib.
"Rusiyanın Bəşər Əsəd rejimini dəstəkləmək məqsədilə Suriyada uzunmüddətli hərbi iştirakı narahatlıq doğurur. Rusiya tərəfindən aviazərbələrin "ölü müxalifət" qruplarına endirilməsi risklərin azalmasına və regional təhlükəsizliyə səbəb olmur", - deyə alyans rəsmisi vurğulayıb.
O əlavə edib ki, NATO məsələnin siyasi həllinə dair bütün cəhdləri dəstəkləyir: "NATO İŞİD-ə qarşı əməliyyatlarda iştirak etmir və bununla bağlı mövqeyi dəyişməz olaraq qalır".