Yuxarı

NATO Aralıq dənizində hərbi təlimlər keçirəcək

Bazar ertəsindən başlayaraq NATO Aralıq dənizində irimiqyaslı hərbi təlimlər keçirəcək.

Bakı. 18 oktyabr. REPORT.AZ/ Bazar ertəsindən başlayaraq NATO Aralıq dənizində irimiqyaslı hərbi təlimlər keçirəcək.

"Report" BBC-yə istinadən xəbər verir ki, təlimdə NATO və müttəfiq ölkələrin qoşun hissələri iştirak edəcək.

Bu təlimlər Rusiya Suriyada hərbi əməliyyatlara başlamazdan əvvəl planlaşdırılmışdı.

Təlimlərdə 36 min hərbi qulluqçunun, 230 min ədəd zirehli texnika, 140 təyyarə və 60 gəminin iştirak edəcəyi gözlənilir.

Ötən həftə etdiyi çıxışnda NATO baş katibi Jens Stoltenberq Rusiya tərəfindən Suriya prezidenti Bəşər əl-Əsədə göstərilən yardımın bu ölkədə böhranın uzanmasına səbəb olduğunu qeyd etmişdi.

NATO baş katibi Rusiyanı İD qruplaşması ilə mübarizədə daha konstruktiv rol oynamağa çağırmışdı.

ABŞ, Britaniya və digər NATO ölkələri Suriya ərazisinə Rusiya tərəfindən endirilən zərbələrin yalnız cüzi hissəsinin İD cihadçılarının mövgeyinə dəydiyini, qalanlarının isə Bəşər əl-Əsədə qarşı döyüşən mötədil müxalifət qüvvələrinin mövgelərinə vurulduğunu iddia edirlər.

Rusiya bütün bu ittihamları rədd edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi