Bakı. 10 fevral. REPORT.AZ/ Myanmanın paytaxtı Neypido şəhərindən havaya qalxan hərbi təyyarənin qəzaya uğraması nəticəsində göyərtədəki 5 nəfərdən 4-ü ölüb.
"Report" xəbər verir ki, bu haqda "France Press" məlumat yayıb.
Məlumata görə, təyyarə havaya qalxandan bir neçə dəqiqə sonra qəza baş verib və yanğın olub. Təyyarənin göyərtəsində 5 nəfər olub, biri sağ qalıb, 4-ü isə ölüb.
Qəza baş verən ərazidə xilasetmə işləri aparılır. Hadisənin başvermə səbəbləri araşdırılır.